Dab Tuag Muab Nplooj Ntoos Ua Nyiaj Them Nqi Caij Tsheb
Nyob rau ntawm xyoo 1974 kuv tus npawg wb tsav tsheb thauj neeg yuav nyiaj taug txoj kev ntawm Looj Ceeb, Npab Xuab , Na Xu, thiab Haib Qha mus rau lub zos Moos Cab thiab ho tsav tsheb pem Moos Cab tuaj rau Na Xu Looj Ceeb. Ntau zaus kuj tsis muaj teeb meem dab tsi tab sis muaj ib hmos ntawm xyoo 1974 lub 9 hlis ntuj wb khiav tsheb ntawm lub zos Na Xu los rau Moos cab , hmo ntawv wb tawm tsheb lig zog txhua zaus vim neeg tsis tau coob puv lub tsheb.
Thaum wb tsav tsheb los yuav txog lub zos uas hu ua Thooj Khub txawm muaj ob niam tub nyob ntawm kev tsa tes lav wb lub tsheb ces wb tau nres rau nkawv los caij tsheb. Thaj tsam no ib txwm nyob deb zej zog uas yog hav zoov thiab hav txiv yeem xwb, wb kuj tsis tau xav li cas tab sis thaum nkawv nce tsheb kiag lawm ua cas zoo li hnyav heev rau lub tsheb tsis zoo li txhua zaus, koj tsav lub tsheb mas quaj luj les thiab noj roj loj heev tuaj li... Thaum peb tsav tsheb los yuav txog lub zos thooj khub ces yog ib tag hmo dua lawm , nkawv khob khob lub tsheb tias txog chaw lawm nkawv yuav nqis tsheb no, kuv kuj tau nres tsheb thiab nug nkawv tias twb tsis tau txog hmoob zos ua cas neb ho kom nres tsheb es neb yuav nqis tawm los? Tus niam teb tias.. wb nqis ntawm no es wb mam li mus ko taw mus xwb tsis deb ntawm peb zos lawm, hais li no tag ces nws nug tias nqi tsheb yog puas tsawg? Kuv hais rau tias, ib leeg no them ib phav kis xwb , ces tus niam thau hauv lub hnab tau ob phav kis coj los them rau kuv. Kuv tsav tsheb dhau lub zos thooj khub los kuv sij xav tias ua cas zoo li txawv txawv, vim nkawv nqi lawm ces zoo li lub tsheb sib sib lawm..thiab thaj tsam ob tug neeg no nqis tsheb twb sis muaj zej zog li.. nkawv ho nqis thaum ib tag hmo thiab..ua cas yuav txawv ua luaj ne? Thaum kuv tsav tsheb los txog rau ntawm zos Moos Cab tab tom yog 6 teev kaj ntug yog li kuv thiaj tau muab cov nyiaj los suav seb tau li cas no , ua cas pom muaj ob daim nplooj ntoos nyob hauv lub hnab nyiaj nrog 60 phav kis uas kuv muaj cov neeg kuv thauj lawv 6 leej los nqis moos cab xwb, yog xam ob tug niam tub no ob phav thiab ces yuav tsum tau 80 phav nyiaj thiaj yog. Kuv mam paub tias kuv thauj tau dab lawm, es ob niam tub dab no muab nplooj ntoos yees ua nyiaj los them kuv xwb. Thaum zoo li no kuv mam li ntshai.. Ib tsoom phooj ywg uas thauj neeg taug kev yog tias nej txog tom tej kev ib tag hmo tsis muaj zos Hmoob nyob ze no txhob lam thauj cov neeg li kuv piav tag no tsam nej ho thauj tau dab li kuv thiab nawb. Kuv zaj no ces tag li no xwb ua tsaug rau vas sab www.3haivhmoob.com uas tsim muaj tej qho chaw zoo zoo no rau peb sau keeb kwm tuaj zwm tseg. Sau npe: Npuag Leej Xyooj |
|
Tej yam zoo li no kuj yog tshwm sim txaus ntshai kawg ua li koj ho xav li cas xwb sau rau nram qab no.
Widget is loading comments...