Puag thaum ntuj tsim teb raug yawm saub tsim muaj lub ntiaj teb no rau tib neeg nyob mas muaj dej thiab hav zoov hav tsuag ntsuab xiab zoo nkauj heev li tsis tas li xwb muaj nas muaj noog thiab tej tsiaj nruab nrag coob heev.
Lub sij hawm ntawv yeej tsis muaj ib lub xuab zeb nyob rau ntiaj teb no li . Yawm saub tau hais rau tib neeg tias" Nej nyob ntiaj teb yuav tsum ua kev ncaj ncees tsis txhob ua kev txhaum dab tsi li nawb. Yog hnub twg nej tsis mloog lus nej ua kev txhaum ces tej huab tej cua tshuab nej cov kev txhaum ya tuaj txog rau kuv lawm thaum nej ua txhaum ib zaug kuv yuav tso ib lub xuab zeb poob saum ntuj no los rau ntiaj teb". Cov niag tib neeg saib tsis taus yawm saub tej lus qhuab qhia kom ua neeg ncaj no tseem tau luag yawm saub thiab tau ua kev phem , kev qias neeg ntau dhau lawm...yog li yawm saub thiaj li tso cov xuab zeb no poob los rau ntiaj teb raws li nws cov lus tau hais tseg. Ua kev txhaum ib zaug yawm saub tso ib lub xuab zeb poob los . Tib neeg cov kev ua phem mas ntau npaum cov xuab zeb nij hnub no peb pom . Nyob nij hnub nim no peb thiaj pom xuab zeb ntau heev ua roob ua hav los yog nyob hauv tej hav dej yeej muaj xuab zeb tib si li lawm vim tib neeg txoj kev tsis mloog yaum saub tej lus tau hais tseg xwb. Zaj Dab Neeg No Qhia Tau Tias: " Yog koj ua kev phem kev tsis zoo, me me xwb tab sis koj ua ntau ntau zaus koj tsis tsum li ces lwm hnub cov kev phem no yuav los sib sau ntau li ntau ib yam yawm saub cov xuab zeb no". Tsis tas li xwb " Tus tub neeg noj ntau dua yus yeej paub ntau tshaj yog li thaum lawv qhia kom ua dab tsi yus yuav tau ua raws li ntawv thiaj tsis muaj teeb meem rau yus>" Ceeb Toom: Txwv tsis pub leej twg muab peb cov dab neeg txhua yam hauv no mus tso rau koj lub vas sab website , Forum los yog lwm qhov uas tsis tau txais kev tso cai ntawm peb. Tsis pub muab luam mus muag thiab, peb tsuas tso rau suav daws tuaj nyeem laug caij nyoog xwb. Ua tsaug. Warning: No one can copy our stories to post on your own website, forum or other internet sites without our permission. Printing for selling is also prohibited. Thank you for your cooperation. |
|
Koj xav tias ua txhaum ib zaug tsis tsum ces yuav zoo li zaj dab neeg no?
Comment Form is loading comments...