Dab Tuag Tsev Kho Mob Na Xu
Tus sau: Nyiaj Xyooj Tus piav: Kws Kho mob Nai Maum Maiv Yias
Zaj keeb kwm dab tuag no tshwm sim nyob rau ntawm lub zos Na Xu teb chaws nplog thaum xyoo 1970. Vim kev ua tsov rog ntawm tog nplog Nias Laus Hav Xaj thiab tog nplog dawb uas yog muaj fuab tias nplog ua tus kav lub teb chaws nyob lub sij hawm ntawv, kev sib ntaus sib tua nyob rau tom tshav rog loj heev yog li nyob rau lub zos na xu no nws yog ib qho chaw nyob ntawm lub nrab teb uas mus rau zos looj ceeb, mus rau moos cab thiab mus rau lub nroog Vees Cas yog li thiaj tau tsim tsa lub tsev kho mob no hu ua " Tsev Kho mob Hoo Maum Na Xu".
Cov tub rog uas sib ntau sib tua raug mob loj ces xa los kho lub tsev kho mob no ua ntej yuav xa tawm mus rau lwm qhov chaw. Zaj keeb kwm no piav los ntawm tus kws kho mob npe hu ua Nai Maum Maiv Yias . Cov tub rog uas coj lo pw ntawm no muaj tej tug ces tuag lawm tsis muaj niam txiv kwv tij tuaj lees vim nug tsis tau tias nyob qhov twg tuaj ces cia li muab faus hos muaj ib txhia ces cia li muab hlawv li nplog lawm thiab xwb.
Qhov pib tshwm sim pom tus dab tuag no yog muaj ib hmo ib tag hmo dua cov neeg mob tsaug zog tag tshuav 4 tug nai maum (kws kho mob) nyob muab tshuaj rau cov neeg mob noj xwb ces ua cas ntawm chav uas khaws cov neeg tuag cia li pom phab ntsa co qiag txoog cuag dab tsi vim thaum ntawv lawv muab xyoob los xov ua phab ntsa thiab muab txiag ntoo los thaiv xwb. Suav daws sawv mus xauj no tsis pom dab tsi thawj hmo ces hnov li no xwb. Tau ob hmos tom qab ntxiv ces cia li muaj ib lub suab quaj qw nrov nrov hauv chav rau neeg tuag tuaj thiab nws hais tias.".Aub..! mob mob li ..mob kuv heev li thov pab coj kuv mus thiab nej txhob tso kuv tseg nawb..." cov kws kho mob ceeb tag nrho hos cov neeg mob pw ntawm tsev kho mob no kuj sawv tag nrho los zaum..suav daws thiaj li taws teeb mus saib no tsis pom dab tsi li...qhov no kuj tag li no lawm xwb tab sis mas nyob nyob cia li pom ntshav liab vog qhov txig chaw li..
Muaj ib zaug ib tug niam tais tuaj zov nws tus tub raug mob..thaum ntawv nws twb tsis tau tsaug zog ua cas nws qhov muag tawv tawv nws saib no ua cas pom ib tug tib neeg los nraum zoov los rau hauv tsev no lub ntsej muag mas ntshav liab ploog....nws saib ntawm hauv siab no khis tag pom cov siab thiab lub plawv mas co cuag dab tsi hauv tuaj li..nws qw npaum cas los qw tsis nrov li thiab tus neeg ntshav liab vog no cia li los ti nkaus nws thiab hais rau nws tias.." Koj cia li kom kuv niam lawv xa ris tsho tshiab tuaj rau kuv hnav vim kuv mus txog pem ub lawv tsis kam yuav kuv..." Tus niam tias no qw qw ces ib tug kws kho mob los ze ntawv pom nws nti nti thiaj nug tias - Niam tais yog ua li cas no " thaum no tus niam tas no mam ntsim nto kiag , nws thiaj sawv tsees qw nrov nrov tias nws pom ib tug dab tuag ntshav liab vog los hais lus rau nws no..ua rau cov kws kho mob thiab cov neeg mob hauv mas ceeb tag li . Zoo hnub zoo hmo uas yog hmo hli xiab 15 los yog 17 mas yeej sawv los ua li no hem tib neeg tag zog li yog li thaum kawg lawv thiaj tau hais hauj sam thiaj tuaj ua dab rau ces ib tug hauj sam laus thiaj hais tias tus dab no yog ib tug tub rog tuag hauv lub tsev kho mob no tab sis mas vim nws tuag liab ntsha tsuas yog li mus txog ntawm nws cov poj yawm txwv txoob lawv tsis kam lees nws es nws thiaj rov qab los li no thiab thiaj hais kom tus niam tais hmoob mus hais nws niam nws txiv lawv muab khaub ncaws tshiab rau nws hnav. Tsis tas li qhov nws quaj tias ".Aub..! mob mob li ..mob kuv heev li thov pab coj kuv mus thiab nej txhob tso kuv tseg nawb..." no mas yog tus ntsuj plig tseem nco txog thaum sib tua nws raug mob es nws hais kom nws cov phooj ywg tub rog thab ham txhob tso nws tseg yog li nws tuag lawm los nws thiaj tseem nco los hais li ntawv. Hauj sam thiaj tau ua ib lub me nyuam tsev me me hlawv xyab ntawv thiab xa zaub mov rau nws noj kom txhob los hem tib neeg thiab txhob los ntoj los thuv suav daws lawm...txij li ntawv los thiaj tsis pom tus dab tuag no lawm...
Zaj no yog ib zaj keeb kwm uas txaus ntshai kawg nkaus yog tias koj nyob hauv lub tsev kho mob no thaum ntawv ntshe yeej dim quav dim zis tag ib yam nkaus pab kws kho mob thiab cov neeg mob lub sij hawm ntawv thiab. Thov ua tsaug ntau rau www.3haivhmoob.com uas muab qhov chaw no rau kuv tuaj sau zaj dab tuag nyob tsev kho mob Na xu no rau suav daws nyeem es mam ntsib nej dua rau lwm zaus.
Sau npe: Nyiaj Xyooj
Cov tub rog uas sib ntau sib tua raug mob loj ces xa los kho lub tsev kho mob no ua ntej yuav xa tawm mus rau lwm qhov chaw. Zaj keeb kwm no piav los ntawm tus kws kho mob npe hu ua Nai Maum Maiv Yias . Cov tub rog uas coj lo pw ntawm no muaj tej tug ces tuag lawm tsis muaj niam txiv kwv tij tuaj lees vim nug tsis tau tias nyob qhov twg tuaj ces cia li muab faus hos muaj ib txhia ces cia li muab hlawv li nplog lawm thiab xwb.
Qhov pib tshwm sim pom tus dab tuag no yog muaj ib hmo ib tag hmo dua cov neeg mob tsaug zog tag tshuav 4 tug nai maum (kws kho mob) nyob muab tshuaj rau cov neeg mob noj xwb ces ua cas ntawm chav uas khaws cov neeg tuag cia li pom phab ntsa co qiag txoog cuag dab tsi vim thaum ntawv lawv muab xyoob los xov ua phab ntsa thiab muab txiag ntoo los thaiv xwb. Suav daws sawv mus xauj no tsis pom dab tsi thawj hmo ces hnov li no xwb. Tau ob hmos tom qab ntxiv ces cia li muaj ib lub suab quaj qw nrov nrov hauv chav rau neeg tuag tuaj thiab nws hais tias.".Aub..! mob mob li ..mob kuv heev li thov pab coj kuv mus thiab nej txhob tso kuv tseg nawb..." cov kws kho mob ceeb tag nrho hos cov neeg mob pw ntawm tsev kho mob no kuj sawv tag nrho los zaum..suav daws thiaj li taws teeb mus saib no tsis pom dab tsi li...qhov no kuj tag li no lawm xwb tab sis mas nyob nyob cia li pom ntshav liab vog qhov txig chaw li..
Muaj ib zaug ib tug niam tais tuaj zov nws tus tub raug mob..thaum ntawv nws twb tsis tau tsaug zog ua cas nws qhov muag tawv tawv nws saib no ua cas pom ib tug tib neeg los nraum zoov los rau hauv tsev no lub ntsej muag mas ntshav liab ploog....nws saib ntawm hauv siab no khis tag pom cov siab thiab lub plawv mas co cuag dab tsi hauv tuaj li..nws qw npaum cas los qw tsis nrov li thiab tus neeg ntshav liab vog no cia li los ti nkaus nws thiab hais rau nws tias.." Koj cia li kom kuv niam lawv xa ris tsho tshiab tuaj rau kuv hnav vim kuv mus txog pem ub lawv tsis kam yuav kuv..." Tus niam tias no qw qw ces ib tug kws kho mob los ze ntawv pom nws nti nti thiaj nug tias - Niam tais yog ua li cas no " thaum no tus niam tas no mam ntsim nto kiag , nws thiaj sawv tsees qw nrov nrov tias nws pom ib tug dab tuag ntshav liab vog los hais lus rau nws no..ua rau cov kws kho mob thiab cov neeg mob hauv mas ceeb tag li . Zoo hnub zoo hmo uas yog hmo hli xiab 15 los yog 17 mas yeej sawv los ua li no hem tib neeg tag zog li yog li thaum kawg lawv thiaj tau hais hauj sam thiaj tuaj ua dab rau ces ib tug hauj sam laus thiaj hais tias tus dab no yog ib tug tub rog tuag hauv lub tsev kho mob no tab sis mas vim nws tuag liab ntsha tsuas yog li mus txog ntawm nws cov poj yawm txwv txoob lawv tsis kam lees nws es nws thiaj rov qab los li no thiab thiaj hais kom tus niam tais hmoob mus hais nws niam nws txiv lawv muab khaub ncaws tshiab rau nws hnav. Tsis tas li qhov nws quaj tias ".Aub..! mob mob li ..mob kuv heev li thov pab coj kuv mus thiab nej txhob tso kuv tseg nawb..." no mas yog tus ntsuj plig tseem nco txog thaum sib tua nws raug mob es nws hais kom nws cov phooj ywg tub rog thab ham txhob tso nws tseg yog li nws tuag lawm los nws thiaj tseem nco los hais li ntawv. Hauj sam thiaj tau ua ib lub me nyuam tsev me me hlawv xyab ntawv thiab xa zaub mov rau nws noj kom txhob los hem tib neeg thiab txhob los ntoj los thuv suav daws lawm...txij li ntawv los thiaj tsis pom tus dab tuag no lawm...
Zaj no yog ib zaj keeb kwm uas txaus ntshai kawg nkaus yog tias koj nyob hauv lub tsev kho mob no thaum ntawv ntshe yeej dim quav dim zis tag ib yam nkaus pab kws kho mob thiab cov neeg mob lub sij hawm ntawv thiab. Thov ua tsaug ntau rau www.3haivhmoob.com uas muab qhov chaw no rau kuv tuaj sau zaj dab tuag nyob tsev kho mob Na xu no rau suav daws nyeem es mam ntsib nej dua rau lwm zaus.
Sau npe: Nyiaj Xyooj